प्राविधिक शिक्षा तथा व्यावसायिक तालीम परिषद् (सीटीईभीटी) को परीक्षा सञ्चालन तथा व्यवस्थापन गर्ने सम्बन्धी अध्ययन गर्न एक कार्यदल गठन गरिएको छ ।
कार्यदलको संयोजकमा पूर्वशिक्षा सचिव शङ्कर पाण्डे रहेका छन् । छ सदस्यीय कार्यदलमा शिक्षा मन्त्रालयका पूर्वसहसचिवहरू डा. लेखनाथ पौड्याल, डा. भोजराज काफ्ले, राष्ट्रिय परीक्षा बोर्डका सदस्यसचिव जङ्गबहादुर अर्याल तथा सीटीईभीटीका परीक्षा नियन्त्रक उमेशकुमार मिश्र सदस्य रहेका छन् ।
कार्यदलले सीटीईभीटीको परीक्षा कसरी गर्ने भन्ने विषयमा एक महिना भित्र मन्त्रालयमा प्रतिवेदन पेस गर्ने बताइएको छ ।
कार्यदलले सीटीईभीटीको परीक्षा राष्ट्रिय परीक्षा बोर्डबाटै सञ्चालन गर्ने तरिका बारेमा मन्त्रालयलाई सुझाव दिने उद्देश्य रहेको कार्यदलका एक सदस्यले बताए ।
