पोखरा विश्वविद्यालयका उप–प्राध्यापक रविन्द्र प्रसाद बराल दोहोरो सुविधा लिइ भ्रष्टचार गरेको भन्दै अख्तियार दुरुपयोग अनुसन्धान आयोगले विशेष अदालत, काठमाडौंमामुद्दा दायर गरेको छ ।
आयोगले बरालले बिना स्वीकृति प्रतिवद्धता विपरीत अन्य शिक्ष्क्ष संस्थामा अध्यापन गरी दोहोरो सुविधा लिएको र अन्य स्थानमा काम नगर्ने प्रतिवद्धता पेश गरी गैर(शैक्षणिक भत्ता (नन्टिचिङ्ग एलाउन्स) समेत लिएको भन्ने उजुरी पुटि भएको हुँदा आयोगले मुद्दा दायर गरेको हो ।
अन्य स्थानमा काम नगर्ने भनी गरेको प्रतिवद्धता र पोखरा विश्वविद्यालयले भराएको फाराममा समेत अन्यत्र काम नगर्ने भनी आफैले गरेको हस्ताक्षर सहितको प्रतिवद्धता विपरीत सार्वजनिक सरकारी संस्थाबाट नन्टिचिङ अलाउन्स समेत लिएको आयोगले जारी गरेको विज्ञप्तिमा उल्लेख छ ।
उक्त कार्य भ्रष्टाचार निवारण ऐन, २०५९ को दफा १६ को उपदफा (१) बमोजिमको कसुर भएको हुँदा निज उपर सोही ऐनको दफा १६ को उपदफा (१) बमोजिम कैद र जरिवानाको मागदाबी लिई अख्तियार दुरुपयोग अनुसन्धान आयोग ऐन, २०४८ को दफा १८ र ३५ तथा भ्रष्टाचार निवारण ऐन, २०५९ को दफा ३६ बमोजिम विशेष अदालत, काठमाडौंमा आरोप–पत्र गरेको छ ।
