व्यवस्थापन संकायबाट स्नातक तह वा माथिल्लो योग्यता प्राप्त व्यक्तिले (अध्यापन अनुमति पत्र) लाइसेन्सको परीक्षा दिन पाउने भएका छन् । शिक्षक सेवा आयोगले लेखा विषयको हकमा व्यवस्थापन संकायबाट स्नातक तह वा माथिल्लो योग्यता प्राप्त गरेको व्यक्तिले लाइसेन्सको दरखास्त फारम भर्न पाउने जानकारी दियो ।
आयोगले लाइसेन्सका लागि गरको दरखास्त आव्हानको सूचनामा शिक्षक सेवा आयोगको नियमावली, २०५७ को नियम ९ को उपनियम (१) को खण्ड (ग) वा नियम ९ को उपनियम (७) बमोजिम तोकिएको न्यूनतम योग्यता र तालिम वा योग्यता पुगेका इच्छुक उम्मेदवारहरूले अनलाइन दरखास्त प्रणालीबाट दरखास्त पेस गर्न सक्ने उल्लेख गरिएको विषयमा उम्द्वारबाट सोधनी भएको हुनाले स्पष्ट पारिएको जानकारी दियो ।
आयोगका अनुसार लाइसेन्सका लागि दरखास्त फारम २०७९ वैशाख २९ गतेसम्म सिंगल दस्तुरमा र जेठ ५ गतेसम्म अबिलम्ब (दोब्बर) शुल्कमा परीक्षा आवेदन फाराम भर्न सकिने छ ।
आयोगले आगामी असार १८ सञ्चालन गर्ने परीक्षामा पहिलो पटक बस्तगत प्रश्न मात्र सोदेने गरी तीन वर्षमा नै पाठ्क्रम परिमार्जन गरेको छ ।
यसअघि आयोगले एक सय पूर्णाङ्कको अध्यापन अनुमतिपत्रको परीक्षामा ४० प्रतिशत वस्तुगत र ६० प्रतिशत विषयगत प्रश्न सोध्ने गरेको थियो । खस्किँदै गएको शिक्षाको गुणस्तर सुधार गर्न भन्दै आयोगले यो वर्ष बस्तुगत प्रश्नमात्र सोध्ने गरी पाठ्यक्रम तयार गरेको छ ।
हिले लागू भएको नयाँ पाठ्यक्रममा शिक्षा प्रणाली, सिकाइ र बालमनोविज्ञान, गुणस्तरीय शिक्षा, कक्षाकोठा व्यवस्थापन, शैक्षिक सुशासन, सूचना तथा प्रविधिलगायतका विषय समेटेर पाठ्यक्रम तयार गरेको छ ।
आयोगको विशिष्टीकरण तालिका अनुसार परीक्षामा ५० वटा बस्तुगत प्रश्न सोधिनेछ । एउटा प्रश्नको अङ्क भार दुई अङ्क तोकेको छ । । आयोगले अहिलेसम्म प्रावि निमावि र मावि तहमा गरी ७ लाख भन्दा बढीलाई शिक्षक लाइसेन्स प्रदान गरिसकेको छ ।
