त्रिभुवन विश्वविद्यालय विज्ञान तथा प्रविधि अध्ययन संस्थान डीनको कार्यालयले चार वर्षे स्नातक तह कम्प्यूटर विज्ञान तथा सूचना प्रविधि (बीएस्सीसीएसआईटी) विषय २०७८ को प्रवेश परीक्षाको नतिजा सार्वजनिक गरेको छ ।
त्रिविद्वारा सम्बन्धन प्राप्त कलेजहरुमा पठनपाठन हुने चार वर्षे स्नातक तह अन्तर्गतको बीएस्सीसीएसआईट गत फागुन ७ गते गते संचालन भएको प्रवेश परीक्षाको नतिजा प्रकाशन गरेको हो ।
त्रिविले प्रवेश परीक्षाको नतिजाको योग्यताक्र अनुसारको नामावली प्रकाशन गरेको छ । प्रवेश परीक्षामा सम्मिलित भई उत्तीर्ण भएका सो विषय पढ्न इच्छुक विद्यार्थीहरुलाई त्रिविको webpage https://www.tuiost.edu.np मा रहेको लिंक प्रयोग गरी आफू पढ्न ईच्छुक क्याम्पस–कलेजहरुको प्रायोरटी फारम भर्न सूचित गरेको छ । प्रायोरटी फारम भर्दा परीक्षार्थीले आ–आफ्नो स्कोरसिट डाउनलोड गर्नु पर्ने सूचनामा उल्लेख छ ।
विद्यार्थीले आवेदनमा नै आफूले पढ्न खोजेको क्याम्पसमा १० ओटासम्म रोज्न पाउने डीन कार्यालयले जानकारी दियो । भर्ने अवधि फागुन १३ गते १० बजे देखि १९ गते अपरान्ह ५ बजे सम्म तोकेको छ । यस अवधिमा जति पटक पनि प्राथमिकताक्रम सच्याउन सकिने प्रावधान गरेको छ। भर्नाको लागि प्रथम सूची प्रकाशन भने त्रिविले आगामी फागुन २२ गते १० बजे सम्मा गर्ने जनाएको छ ।
