मध्यपश्चिम विश्वविद्यालय (मपवि) ग्र्याजुएट स्कूल अफ हुम्यानिटिज एण्ड सोसल साइन्सले राष्ट्रपति पदक प्राप्त विद्यार्थीलाई उच्च शिक्षाका लागि छात्रवृत्ति प्रदान गर्ने भएको छ ।
स्नातक तहमा उत्कृष्ट स्थान हासिल गरी राष्ट्रपति पदक प्राप्त ३५ वर्ष उमेर ननाघेका विद्यार्थीलाई उच्च शिक्षाका लागि छात्रवृत्ति प्रदान गर्ने भएको हो ।
विश्वविद्यालयले मास्टर्स देखि विद्यावारिधि सम्मका लागि प्रदान गर्ने उक्त छात्रवृत्तिका लागि मंसिर १२ गते भित्र आवेदन दिइसक्नु पर्ने गरी सूच्ना जारी गरेको छ ।
योग्यता पुगेका विद्यार्थीले आवेदन, राष्ट्रपति पदक प्राप्त गरेको प्रमाणपत्र, ट्रान्सक्रिप्टको प्रमाणपत्र र बायोडाटा मपवि उपकुलपति कार्यालयमा वा इमेल ठेगानामा सोमबार भित्र पेश गर्नु पर्ने सूच्नामा उल्लेख गरेको छ ।
