प्राविधिक शिक्षा तथा व्यावसायिक तालिम परिषद् (सीटीईभीटी) परीक्षा नियन्त्रण कार्यालयले डिप्लोमा तथा प्रमाणपत्र तहका विभिन्न कार्यक्रमको मौका परीक्षा साउन १३ गते सञ्चालन गर्ने गरी परीक्षा तालिका सार्वजनिक गरेको छ ।
सीटीईभीटीले डिप्लोमा तथा प्रमाणपत्र तहको एक विषयका लागि लिने मौका परीक्षाको परीक्षा तालिका सार्वजनिक गरेको हो ।
परीक्षा सञ्चालनका लागि परिषद् र प्रदेश कार्यालयको सिफारिसमा सो दिन बिहान ११ बजेदेखि बालाजु स्कुल अफ इन्जिनियरिङ एन्ड टेक्नोलोजीमा परीक्षा सञ्चालन गर्ने सूचनामा उल्लेख गरेको छ ।
