प्राविधिक शिक्षा तथा व्यावसायिक तालीम परिषद् (सीटीईभीटी) पदपूर्ति समितिले तीन वर्षअघि लिएको विभिन्न पदको लिखित परीक्षाको नतिजा सार्वजनिक गरेको छ ।
२०७६ माघ २४ गते गरेको समावेशी प्रतियोगितात्मक परीक्षाको नतिजा आज सार्वजनिक गरेको हो ।
परिषद् केन्द्रीय कार्यालय र परिषद् अन्तर्गतका कार्यालयहरूमा रिक्त पदको पदपूर्ति गर्न लोक सेवा आयोगबाट काठमाडौँमा सञ्चालन भएको खुला प्रतियोगितात्मक लिखित परीक्षाको नतिजा सार्वनिक गरेको छ ।
परिषद्को पदपूर्ति समितिको निर्णयानुसार अन्तर्वार्ताका लागि छनोट भएका उम्मेदवारहरूको कम्प्युटर दक्षता परीक्षण तथा अन्तर्वार्ता कार्यक्रम चैत ४ गतेदेखि ७ गतेसम्म सञ्चालन हुने सूचनामा उल्लेख गरिएको छ ।
