आर्थिक अभावका कारण उच्च शिषा लिनबाट वञ्चित हुने विद्यार्थीलाई लक्षित गरी भक्तपुर नगरपालिकाले अहिले सम्म ७५१ जना विद्यार्थीलाई शैक्षिक प्रमाणपत्र धितो राखेर ऋण उपलब्ध गराएको छ ।
नगारपालिकाले चालु शैक्षिक सत्रमा नगरपालिकाले १५१ जनालाई सहुलित व्याजदरमा ऋण उपलब्ध गराएको छ । नगरपालिकाले शैक्षिक वर्ष २०७५–७६ बाट सहुलियतदरमा ऋण उपलब्ध गराउँदै आएको छ । भक्तपुर नगरपालिकाको चौथो नगर सभा २०७५ सालदेखि शैक्षिक ऋण दिनेसम्बन्धमा बनेको निर्देशिका निर्माण गरी ऋण दिने व्यवस्था गरेको थियो ।
नगारपालिकामा स्थायी बसोवास गर्ने विद्यार्थीलाई कार्याविधि बनाइ ऋण प्रदान गर्दै आएको छ । भक्तपुर नगरपालिकाका प्रमुख सुनील प्रजापतिले विद्यार्थीलाई नगरपालिकामार्फत पाँच लाख रुपियाँसम्म ऋण उपलब्ध गराउँदै आएको बताए ।
अहिले सम्म ऋण लिएर उच्च शिक्षा हासिल गरेका ५१ जनाले ऋण तिरिसकेको नगरपालिकाले जानकार िदियो । नगरपालिकाका अनुसार अहिले ४५४ जना विद्यार्थी उक्त ऋण सहयतामा अध्ययनगरिरहेका छन् । नगरपालिकाले शैक्षिक ऋणमा १३ करोड ६९ लाख ५० हजार रुपियाँ शैक्षिक कर्जा प्रवाह गरिसकेको छ । साँवा र ब्याज गरेर एक करोड ६४ लाख ९४ रुपियाँ फिर्ता भइसकेको नगरपालिकाको लेखा शाखाले जानकार दियो ।
