आर्थिक वर्ष २०७९–८० को बजेट कार्यान्वयन गर्न शिक्षा तथा मानव स्रोत विकास केन्द्रले आफ्नो मातहतको निकायलाई निर्देशन दिएको । आर्थिक वर्ष २०७९–८० को बजेट कार्यान्वयनलाई प्रभावकारी बनाउन यो निर्देश्न जारी गरेको हो ।
विनियोजन ऐन, २०७९ आर्थिक वर्ष २०७९–८० का लागि विभिन्न उपशीर्षकहरूमा छुट्टयाइएको रकमको प्रचलित कानून बमोजिम खर्च गर्ने गराउने, लेखा राख्ने, प्रतिवेदन गर्ने र लेखापरीक्षण गर्नेरगराउने समेतको जिम्मेवारी सहित विनियोजित रकम खर्च गर्न मार्गदर्शन दिएको हो ।
संशोधित मार्गदर्शन अनुसार प्राप्त स्रोतको अधिकतम उपयोग गर्दै खर्चमा मितव्ययिता, प्रभावकारिता र दक्षता कायम गर्न निर्देशन दिएको छ ।
समग्र वित्तीय अनुशासन कायम गर्ने उद्देश्य प्राप्तिको लागि बजेट, निकासा, खर्च र नियन्त्रण लगायत वित्तीय उत्तरदायित्व कायम गर्न विनियोजन ऐन, २०७९, आर्थिक कार्यविधि तथा वित्तीय उत्तरदायित्व ऐन, २०७६ र आर्थिक कार्यविधि तथा वित्तीय उत्तरदायित्व नियमावली, २०७७ को अनिवार्य रुपमा परिपालन गर्नगराउन निर्देश्न दिएको हो ।
विनियोजन ऐन, २०७९ को दफा ९ को उपदफा (४) बमोजिम बजेट कार्यान्वयन गर्न यो मार्गदर्शन सार्वजनिक गरेको छ ।
महालेखा परीक्षकको पछिल्ला प्रतिवेदनहरूमा उल्लिखित विवरण र बेरुजूका दृष्टान्त आर्थिक अनुशासन पालनामा सबै निकायहरू गम्भीर हुनुपर्ने देखिएको हुँदा आर्थिक कारोबार गर्दा प्रचलित कानून अनुसार गर्न र शून्य बेरुजु कायम हुने गरी आर्थिक कारोबार गर्न केन्द्रले निर्देश्न दिएको छ ।
