शिक्षा तथा मानव स्रोत विकास केन्द्र (विद्यालय शिक्षा मापदण्ड निर्धारण शाखा) ले फागुन एक गतेखि विद्यालय सञ्चालन गर्ने ७७ ओटै शिक्षा विकास तथा समन्वय एकाईलाई निर्देशन दिएको छ । केन्द्रले हिजो एक सूचना जारी गरी यस्तो निर्देशन दिएको हो ।
सरकार कोभिड १९ संकट व्यवस्थापन समन्वय केन्द्रको माघ २३ को सिफारिसमा ‘विश्वविद्यालय, विद्यालय, ट्युशन सेन्टर, तालिम वा अन्य प्रकारका शैक्षिक क्रियाकलापहरु जनस्वास्थ्य र सुरक्षाको मापदण्ड पालना गरी २०७८ फाल्गुण १ गतेबाट सञ्चालन गर्ने । विद्यालय सञ्चालन गर्दा १२ वर्ष पुरा भएका विद्यार्थीका हकमा नियमित रुपमा तथा १२ वर्ष पुरा नभएका विद्यार्थीका हकमा आलोपालो दिनमा कक्षा सञ्चालन गर्ने व्यवस्थाका लागि गृह मन्त्रालय र शिक्षा, विज्ञान तथा प्रविधि मन्त्रालयलाई सिफारिस गर्ने ।’ निर्देशन आएको छ ।
सोही अनुसार नै कार्यान्वयनको लागि आवश्यक व्यवस्था मिलाउन सबै एकाईलाई भोलिदेखि विद्यालय सञ्चालन गर्न निर्देशन दिएको हो ।
