पोखरा विश्वविद्यालय (परीक्षा नियाग कार्यालय) ले सत्रौं दीक्षान्त समारोहमा विभिन्न पदक तथा पुरस्कार पाउने विद्यार्थीको नामावली सार्वजनिक गरेको छ ।
फागुन २८ गते आयोजना हुने दीक्षान्त समारोहमा विश्वविद्यालयले तोकेको सम्पूर्ण मापदण्ड पुरा गरेर सर्वोत्कृष्ट अंक प्राप्त गरी पदक पाउने र डीन लिष्टमा पर्न सफल विद्यार्थीहरूको सूची प्रकाशन गरेको हो ।
प्रकाशित सूची उपर चित्त नबुझेमा विद्यार्थीले आज दिउसो ५ बजेभित्र आवेदन दिन विश्वविद्यालयले आग्रह गरेको छ । दावी विरोधको निवेदनमा नाम, रोल नं., रजिष्ट्रेशन न., कार्यक्रम मोबाइल न. र सूची उपर चित्त नबुझ्ने कारण अनिवार्य रूपमा उल्लेख गर्न सूचित गरेको छ ।
