राष्ट्रिय परीक्षा बोर्ड, माध्यमिक शिक्षा परीक्षा कक्षा १० ले (एसइई २०८०) को नतिजा सार्वजनिक गर्न चाहने संघ–संस्थाले असार तीन गते भित्र आवेदन दिनुपर्ने छ ।
नतिजा सार्वजनिक गर्न चाहने संघ–संस्थाले बोर्डको सर्तअनुसार आवेदन दिनुपर्ने आज प्रकाशित सूचनामा उल्लेख गरेको छ ।
नतिजा सार्वजनिक गर्न चाहने संघ, संस्था वा कम्पनी प्रचलित कानुन वमोजिम दर्ता भएको हुनुपर्ने, भ्याट र प्यानमा दर्ता भएको, र आव २०७९–८० को कर चुक्ता गरेका संघसंस्थाले आवेदन दिन सक्ने सूचनामा उल्लेख गरेको छ ।
एसएमएसका लागि चालिस हजार, बेवसाइटबाट प्रकाशनका लागि रु बीस हजार, एसएमएस र वेबसाइटका लागि साठी हजार एसएमएस, आइभीआर र वेवसाइटका लागि एक लाख रुपियाँ बोर्डले राजश्व लिने सूच्नामा उल्लेख छ ।
उक्त राजश्व रकम आन्तरिक राजश्व कार्यालय, भक्तपुरको कार्यालय कोड ३५०३१३३०१ को राजश्व शीर्षक नं १४२२३ मा जम्मा गर्नुपर्ने छ ।
