पाठ्यक्रम विकास केन्द्रले कक्षा १० को अनिवार्य अङ्ग्रेजी विषयको पाठ्यपुस्तकमा भएका एकाइ दुईको ‘फेस्टिवल एण्ड सेलिव्रेसन’ पेज १७ मा रहेको चित्र संशोधन गरेको छ ।
चालु शैक्षिक वर्ष (२०८०) देखि देशभर कार्यान्वयनमा आएको सो पाठ्यक्रमको पाठ्यपुस्तकमा चित्रमा मच्छिन्द्रनाथ जात्रा र बिस्का जात्रा हुनु पर्नेमा प्राविधिक कारणले अन्यथा हुन गएकाले सम्पादन गरेको हो ।
सम्पादन गरिएको पुस्तक केन्द्रको वेबसाइटमा राखिएकाले सो अनुसार अध्ययन अध्यापन गर्नु गराउनु सम्बन्धित सबैलाई केन्द्रले अनुरोध गरेको छ ।
