शिक्षकको पोशाकका विषयमा नेपाल शिक्षक महासंघले सामाजिक सञ्जालमा गरेको मत सर्वेक्षणको पछिल्लो नतिजाअनुसार सूटतर्फ मरुन प्रथम, फिका निलो द्वितीय, कालो तृतीय, गाढा खैरो चौथो स्थानमा पर्ने गरी मत परेको छ ।
त्यस्तैगरी सर्टतर्फ फिक्का निलो प्रथम, मरुन द्वितीय, रोयल ब्लु तृतीय, गुलाबी चौथो स्थानमा परेको छ । त्यस्तै साडीतर्फ निलो प्रथम, गुलाबी द्वितीय, मरुन तृतीय, कफी कलर चौथो स्थानमा परेको महासंघले जानकारी दियो ।
मत सर्वेक्षण केही समयपछि बन्द हुने हुँदा सरोकारवालालाई तत्काल आफ्नो मत हाल्न समेत महासंघले आग्रह गरेको छ । सामाजिक सञ्जालमा गरिएको मत सर्वेक्षणका आधारमा शिक्षकको पोशाक परिवर्तन हुने हुँदा तत्काल शिक्षक महासंघको फेसबुक पेजमा गई मत हाल्न महासंघले आग्रह गरेको हो ।
पोशाक एक पटक परिवर्तन गरेपछि पुन परिवर्तन गर्न समस्या हुने हुँदा सबैलाई आफ्नो रोजाइको कलरमा भोट हाल्न महासंघले आग्रह गरेको हो । आज साझ सम्म गरिएको मत परिणामका आधारमा महासंघले मन्त्रालयसंग समन्वय गरी शिक्षकको पोशाक परिवर्तन गर्दै छ ।
