चालु आर्थिक वर्षमा यस बर्ष वृद्धि भएको तलव प्रदान गर्न विनियोजित बजेटले नपुग्ने स्थानीय तहले चैत्र १५ गते भित्र शिक्षा तथा मानव स्रोत विकास केन्द्रमा माग गर्न केन्द्रले पत्राचार गरेको छ ।
कार्यक्रम कार्यान्वयन पुस्तिका २०७८–०७९ को अनुसूची १ को ढाँचा अनुसार शिक्षक तलव र बालविकास–विद्यालय कर्मचारी अनुदान शीर्षकमा छुट्छुट्टै विवरण तयार गरी पठाउन निर्देशन दिएको हो । केन्द्रले आज एक सूचना जारी गरी सबै स्थानीय तहलाई यस्तो निर्देशन दिएको छ ।
स्थानीय तहले सम्वन्धित शिक्षा विकास तथा समन्वय इकाइमा र इकाइले स्वीकृत दरवन्दी र बजेट हिसाव रूजु नपुग बजेटको जिल्लागत एकीकृत विवरण केन्द्रमा पठाउनु पर्ने सूचनामा उल्लेख गरेको छ ।
आज प्रकाशित सूचना अनुसार यस अगाडि पेश गरिसकेका स्थानीय तहबाट तलव–अनुदान हिसाव गर्दा चालु आवमा बृद्धि भएको बजेट हिसाव नभएको भए सो अनुसार हिसाव गरी पुनः पेश गर्नुपर्ने उल्लेख गरेको छ ।
सामुदायिक विद्यालयमा कार्यरत शिक्षक, विद्यालय कर्मचारी र बालबिकास शिक्षकरसहजकर्ताको तलव भत्ता नपुग भइ थप बजेट व्यवस्थाका लागि केन्द्रमा हालसम्म माग भई केही स्थानीय तहले यस अघि नै माग फारम पेस गरसकेको सूचनामा उल्लेख गरिएको छ ।
