कम्तीमा दशओटा शोधपत्र समावेश गरेको पुस्तिका प्रकाशन गर्नेलाई अनुदान दिने प्रयोजनले शिक्षा विज्ञान तथा प्रविधि मन्त्रालयले ‘वैज्ञानिक समाजलाई अनुदान सहयोग कायविधि, २०७९’ जारी गरेको छ ।
विनियोजन ऐन, २०७९ को दफा ९ उपदफा (२) को अधिकार प्रयोग गरी मन्त्रालयले यो कार्यविधि जारी गरेको हो । विज्ञान तथा प्रविधिसंग सम्बन्धित विषयको खोज, अनुसन्धान,जर्नल प्रकाशन, सभा सम्मेलन, कार्याशाला, गाष्ठि आदि सञ्चालन गर्ने उद्देश्यले स्थापना भएको समूहलाई कार्यविधिले वैज्ञानिक समूह मानेको छ ।
उक्त समाजले प्रकाशन गर्ने जर्नलका लागि अनुदान दिने प्रयोजनले यो कार्यविधि ल्याइएको मन्त्रालयले जानकारी दियो । न्यूनतम् दुई लाख रुपियाँ र अधिकतम् तीन लाख रुपियाँ मन्त्रालयले छनोट गरेको समूहलाई प्रदान गरिने व्यवस्था सहित कार्यविधि जारी गरिएको छ ।
कुल पूर्णाङ्कको ८० प्रतिशतदेखि माथि प्राप्त गर्नेलाई तीन लाख रुपियाँ र साठी प्रतिशत वा सोभन्दा माथि प्राप्त गर्नेलाई दुई लाख रुपियाँ प्रदान गर्ने कार्यविधिमा व्यवस्था गरिएको छ ।
