शिक्षक सेवा आयोगले गत असोज महिनामा सञ्चालन गरेको अध्यापन अनुमतिपत्र तिखित परीक्षाको केही विषयको नतिजा सार्वजनिक गरेको छ ।आयोगले सय पूर्णाङ्कको लिखित परीक्षामा समिलित परीक्षार्थी मध्ये न्यूनतम् ५० अङ्क प्राप्त गर्ने सबै उम्मेद्वारलाई उत्तीर्ण गर्दै नतिजा सार्वजनिक गरेको आयोगले जानकारी दियो ।
आयोगले माध्यमिक तह कम्प्युटर विज्ञान, बाली विज्ञान, सिभिल इन्जिनियर, इलेक्ट्रिकल इन्जिनियर,पशु विज्ञान, कानुन र कम्प्युटर इन्जिनियरङको नतिजा सार्वजनिक गरेको छ ।
आयोगका अनुसार इलेक्ट्रिकल इन्जिनियरङ विषयको लिखित परीक्षामा ९१ जना सहभागी मध्ये ४३ जना मात्र उत्तीर्ण भएका छन् । यो विषयमा ३९.९९ प्रतिशत मात्र उत्तीर्ण भएका छन् ।
सिभिल इन्जिनियरिङ विषयको लिखित परीक्षामा २९८ जना परीक्षार्थी सहभागी भएका मध्ये ४९ जना मात्र उत्तीर्ण भएका छन् । यो विषयको परीक्षाको उत्तरपुस्तिकामा प्रश्नपत्र कि उल्लेख गर्न विर्सन ४ जना मात्र रहेका छन् ।यो विषयमा १६.४४ प्रतिशत विद्यार्थी उत्तीर्ण भएका छन् ।
त्यस्तै पशु विज्ञान विषयको परीक्षामा ४३ जना सहभागी भएकोमा २९ जना उत्तीर्ण भएका छन् । यो विषयमा ६७.४४ प्रतिशत विद्यार्थी उत्तीर्ण भएका छन् ।
त्यस्तैगरी बाली विज्ञान विषयमा ३८० जना परीक्षार्थी लिखित परीक्षामा सम्मिलत भएका मध्ये २४९ जना विद्यार्थी उत्तीर्ण भएका छन् । यो विषयमा ६५.११ प्रतिशत परीक्षर्थी उत्तीर्ण भएका छन् । भने कानुन विषयको लिखित परीक्षामा ४४ जना सम्मिलित भएकामध्ये ३५ जना परीक्षार्थी मात्र उत्तीर्ण भएका छन् । यो विषयमा जम्मा ७९.५छ प्रतिशत विद्यार्थी उत्तीर्ण भएका छन् ।
त्यसैगरी कम्प्युटर इन्जिनियरिङ विषयमा २७९ परीक्षार्थी लिखित परीक्षामा सहभागी भएकोमा ६० जना मात्र उत्तीर्ण भएका छन् । यो विषयमा जम्मा २१.५१ प्रतिशत परीक्षार्थी मात्र उत्तीर्ण भएका छन् । भने कम्प्युटर विज्ञानको लिखित परीक्षामा ६५५ जना सहभागी भएका मध्ये ३४८ जना मात्र परीक्षार्थी उत्तीर्ण भएका छन् । यो विषयमा ५८.६३ प्रतिशत मात्र परीक्षा उत्तीर्ण भएका छन् ।
इलेक्ट्रिकल इन्जिनियरङ विषयको नतिजा
सिभिल इन्जिनियरिङ विषयको नतिजा
कम्प्युटर इन्जिनियरङ विषयको नतिजा
कम्प्युटर विज्ञान विषयको नतिजा
